Messi akubali kushindwa tuzo ya mchezaji bora 2013

Bingwa wa Ballon d’Or mara nne Lionel Messi amekubali yaishe kuwa safari hii hawezi kushinda tuzo hii. Mchezaji huyu amesema hayo kupitia gazeti la Mundo la nchini Hispania baada ya kurudi dimbani akitokea kuuguza mejeraha. Messi alisema ' Mwaka huu kama nisiposhinda tuzo hii itakuwa sawa, sitasononeka, ila nitafurahi zaidi kama tutashinda vikombe kama timu (Barcelona). Lakini pia nashukuru nimeweza kufikia hatua ya tatu bora kwenye tuzo ya Ballon d'Or,najivunia hilo pia". Kauli hii ni dalili tosha kabisa kuwa mchezaji huyu ameshajua kuwa hataweza kushinda kutokana na muda mrefu kuwa majeruhi, hivyo nafasi kubwa ya kushinda inabakia kwa mpinzani wa Cristiano Ronaldo na Frank Ribery. Mbali ya kujua kuwa hatoweza kushinda tuzo hii, Lionel Messi amethibitisha kuwa atashiriki kwenye sherehe za tuzo hiyo tofauti na Ronaldo ambaye mwaka jana hakushiriki baada ya kujua Messi atashinda.