Bayern Munich waweka rekodi nchini Ujerumani

Klabu ya Bayern Munich imetwaa ubingwa wa kombe la shirikisho baada ya kuifunga klabu ya Stuttgart magoli 3-2. Hili limekuwa ni kombe la tatu kwa Bayern Munich msimu huu baada ya kushinda pia kombe la klabu bingwa ulaya (Uefa) pamoja na kombe la ligi kuu nchini Ujerumani. Ushindi huu unaifanya Bayern Munich kuweka historia ndani ya nchini hiyo kwani hakuna timu hata moja nchini Ujerumani ambayo imewahi kushinda makombe matatu ndani ya msimu mmoja. 

Wachezaji wa Bayern Munich wakisherekea ushindi kwa kumrusha juu kocha wao Jupp Heynckes ambaye amemaliza muda wake leo hii wa kuifundisha klabu hiyo. Heynckes anaondoka huku akiwa ameacha rekodi ya kipekee ndani ya klabu hiyo jambo ambalo linamfanya Pep Guardiola ambaye anachukua nafasi yake kuwa na wakati mgumu wa kuendeleza mafanikio ambayo ameyaacha Heynckes.