Tetesi za usajili wa Gonzalo Higuain kwenda Arsenal

Usijili wa Gonzalo Higuain bado upo kwenye utata na taarifa rasmi za usajili wa mchezaji huyu bado hazijatolea rasmi, isipokuwa kila chombo cha habari kinatoa habari yake. Kuna vyombo vya habari hadi sasa vinasema Higuain ameshasajiliwa na Arsenal kwa paundi mi 23 na atalipwa paundi laki moja kwa wiki, lakini kuna vyombo vingine vya habari vinasema Arsenal na Madrid bado hawajakubaliana bei ya usajili wa mchezaji huyu hivyo mazungumzo bado yanaendelea. Leo asubuhi kuna chombo kimoja cha habari kilitoa picha iliyomuonesha Higuain akiwa London picha iliyosemekana ilitumwa na Higuain mwenyewe kwa Robin Van Persie (picha kama inavyoonekana hapo chini). Lakini pia kuna picha nyingine imetoka jana usiku ikimuonesha Higuain akiwa kwenye uwanja wa ndege wa Madrid ikisemekana alikuwa akielekea London. Picha hizo zote mbili bado hazikuwa na uhakika kamili lakini zinaweza pia zikahusika na ukweli. Gonzalo Higuain ambaye alishathibitisha mwenyewe kuwa atahama msimu huu Real Madrid, huu ni mwezi wa pili mfululizo akihusishwa kuhamia Arsenal lakini taarifa zilizopo ni kwamba Madrid na Arsenal bado hawajafikia muafaka kwenye ada ya uhamisho wa mchezaji huyu ila hadi sasa hali inavyoonesha Arsenal wana asilimia kubwa ya kumnasa Higuain. 

Higuain akiwa kiwanja cha ndege jana usiku 

Picha inayosemekana kuwa hapa Higuain alikuwa London leo asubuhi