'Bado napenda kuendelea kuwepo Madrid' - Ronaldo

Baada ya tetesi za muda mrefu kuhusu Cristiano Ronaldo kuhamia Man utd, mchezaji huyo amefunguka wiki hii na kusema kwasasa yeye mipango yake yote ipo kwa klabu ya Madrid na hajafikiria kuhama katika kipindi hiki. Ronaldo aliyasema hayo alipoulizwa na waandishi wa habari aseme ukweli kuhusu tetesi zilizopo kuwa yeye atahamia Man utd msimu ujao. Ronaldo alisema ‘Man utd ni klabu ninayoipenda sana tokea nikiwa England, kila mtu anajua mapenzi yangu na klabu ya Man utd ni makubwa, lakini kwasasa mimi ni mchezaji wa Real Madrid, mkataba wangu bado ni mrefu na ninapenda kuendelea kuwepo Madrid, siwezi kuongelea miaka ijayo kwasababu siwezi kujua ila kwa muda huu mimi ni mchezaji wa Madrid na nitaendelea kuwepo Madrid”. Habari hizi zimekuwa mbaya kidogo kwa wapenzi wa Man utd kwani hadi sasa wachezaji wote waliopo kwenye mipango ya kusajiliwa na klabu hiyo kwa msimu ujao bado mazingira yao ni magumu akiwemo Thiago, Lewandowski, Fellaini, na Fabregas.