Moyes kufukuzwa wakati wowote Manchester United

Dailymail linaripoti kuwa kocha mkuu wa Man utd, David Moyes anaweza kufukuzwa kazi muda wowote kabla ya ligi kuisha. Taarifa za kufukuzwa kwa Moyes zimezagaa kwenye vyombo vya habari mara tu baada ya Man utd kufungwa na Everton wikiendi iliyopita. Kabla ya mchezo dhidi ya Everton taarifa zilizokuwepo ni kwamba Moyes angeweza kufukuzwa mwishoni mwa msimu, lakini matokeo ya Everton yamechochea moto na kufanya familia ya Glazer kushindwa kuendelea kumvumilia. Moyes alikuwa aendelee kuifundisha United kama angeweza kuifikisha timu kwenye nafasi ya nne ili iweza kushiriki michuano ya Ulaya (Uefa champions), lakini jinsi msimamo ulivyosasa United haitaweza kuishia nafasi ya nne ndani ya msimu huu. Dailymail pia limeripoti kuwa Ryan Giggs ndiye atachukua mikoba ya Moyes kwa kipindi cha wiki mbili hadi nne mpaka ligi itakapokwisha.