Torres mapumzikoni kisiwani Ibiza na familia

Baada ya mshimshike za ligi kuu na Europa league, mshambuliaji wa Chelsea Fernando Torres amekwenda kwenye kisiwa cha Ibiza nchini Hispania kwa mapumziko na familia yake. Torres ambaye kiwango chake hakikuwa kizuri sana msimu huu ameonekana akiwa na Olalla mke wake pamoja na watoto wake Nora na Leo kwenye fukwe za kisiwa cha Ibiza, kisiwa ambacho ni maarufu kwa utalii na ghali kuliko vyote duniani. Baada ya mapumziko haya Torres anatarajiwa kujiunga na timu ya taifa ya Hispania ambayo inatarajiwa kwenda nchini Brazil kushiriki michuano ya  Confederations Cup itakayoanza Juni 16.